| 一生中最食屎同最火爆的一次義工 ( 代表某球會做地區推廣) PK 事件 1:
- 該球會的高層希望我們( 我同我的組員)可以抽空到某大型玩具店幫忙該義工活動,而我們都同佢相約將於上星期6 去幫忙, 點知到達後我同我的組員跟該會的職員報導時, 該會的職員先話俾我地知佢地夠人唔使幫手, 真係非常 PK, 完全唔知佢地係點溝通同搞活動!!!! 最後搞到我地好無奈咁走, 但係我地去左傾另一個於今日既活動細節~~( 待PK 事件 2) PK 事件 2: - 同日, 我地走後, 我地同該名高層電聯傾返一d 今日既活動準備事宜, 亦都confirm 左一d 野. 而該名高層於今個星期出阜工作. 點知昨晚我地電聯俾該會職員(上面個個)通知今日活動野, 我地會幾點上拎d物資, 最終卻換來一臉砲灰, 內容如下: - 佢話佢老細(高層)冇話要幫我地安排義工 ,冇話會幫我地拎物資, 佢地冇人係個會到, 話我地唔做野
==> 我地已經上星期6同佢老細傾好晒 ,d野會佢地搵人提早放係另一處地方方便我地去拎, 唔知點解變成咁~ -佢話係我地自己組頭溝通有問題, 唔早d打去同佢地講, 唔comfirm d 野
==> 上星期6仲唔早咩, 我地同佢老細comfirm 好的~ -我地反駁話上星期confirm, 佢罵我地應該係佢地辦公時間打去傾
==>佢地從來冇叫過我地要係辦公時間打去傾, 如果係手提no. 就唔好俾我地la, 而且我地都唔知佢地既辦公時間 - 我就同佢講咁我地唔搵你, 你地都可以聯絡我地,(最好笑既答案) - 佢話我地就係專登唔搵你地, 睇下你地點!!!
==>而家都唔知邊個幫邊個做野, 佢地可能" 善忙" 到唔記得我地係義工, 同埋個promotion 係掛該會個名,而唔係我地學校個名~~ 完全都唔知邊個先係呢個活動既真正得益者~~ - 最後仲要話佢老細都話我地唔做野
==>一開頭我地既建議俾佢地ban 晒, 佢地自己又冇建議俾我地, 係到有好多野我地傾好話做la, 又係佢地個老細話可以幫我地搞點個d野, 倒頭黎佢地咩都俾唔到我地,所以我都唔知佢地個做野定義係咩, 如果真我地係唔做野, 我地絕對會一開頭咩都唔幫手, 唔使係到拎個良心比隻癲狗"肺" 今日活動被迫取消, 最初好嬲, 因為我地d心機俾人搞到冇左, 不過同組員傾過後, 呢次係佢地自己損失, 叫唔好放係個心到, 但係由於我好掛心件事, 搞到成晚冇訓, 所以今日6:45am 開始打呢篇野 ps:請待下文~ |
